19 desember 2007

Í einum rykk

Guðrún konan hans Gumma vinar míns las bókina í einum rykk.
Og hvað, spurði ég.
Nú, hún las hana í einum rykk. Hún vakti frameftir.
Birt af kl.

1 ummæli:

Nafnlaus sagði...

Þetta var sagan um gráðuga rithöfundinn sem vill alltaf fá meira, kannski vill hann fá sjónvarpsauglýsingu þarsem runan stendur:

Sprenghlægileg, frábær, meistaraleg vel skrifuð, endurnýjar lásasmiðaformið...

Elísabet sem er ýmislegt fleira en rithöfundur og getur séð hlutina úr fjarlægð og er fimmtíu árum á undan sinni samtíð föst í fortíðinni.

En mín uppáhalds fótboltasíða fótbolti.net var að hafa samband og biðja mig um álit sitt á fótbolta síðasta árs, ég elska fótbolta og nú rignir en það rignir ekki inn og það er verið að reisa jólatré uppfrá dauðum hér í Ánanaustunum, það var reist jólatré við ströndina, svo fauk það, svo kom kranabíll og reisti það við, svo fauk það aftur og þá kom kranabíllinn aftur, og þetta er mitt leynilega blogg þarsem ég get um frjálst höfuð strokið, ég ætlaði á tímabili að láta bókina mína heita; Höfuð hvíta mannsins. Ég heyri í vindinum og ég er á leiðinni í bað og var að hugsa um að kaupa hamborgarahrygg handa mömmu og er búin að skrifa Andrew og segja honum frá hinum sjekpírslu fossum landsins, to be or not to be segir Dettifoss þúsund sinnum á sekúndu, ég er kommentskáld, Jökull var að kaupa mús handa mér í Smáralindinni, ég er ekki búin að kaupa jólagjafir, ég er búin að pakka inn nokkrum lásasmiðum og las öll tískublöðin í Leifsstöð í nótt en gat ekki ákveðið hvort ég ætti að kaupa Vogue, Cosmo, Marie Claire eða þetta fjórða, ég elska tískublöð, ég er prinessa, ég er með heilkenni, það eru prinsessuofsóknir í gangi þessa dagana og minnir mig sem Bryndís Zoega ofurfóstra sagði á sínum tíma, að við systkinin á Drafnarstíg værum einsog fjórar Lína Langsokkur.

Ég elska Línu Langsokk. Hún er hetjan mín. Og líka ömmustelpurnar, tengdadæturnar og vinkonurnar og mamma.

11:47 f.h.

Skrifa ummæli

Gerast áskrifandi að: Birta ummæli (Atom)