07 mars 2008
Kærleikssambandið
Hvað er ég búin að gera í kærleika í dag. Sofa út. Fara á fætur. Fara í klippingu og litun. Borga skattana mína. Fara í bankann. Bursta tennurnar. Fara á fund. Setja allt í vitlausa röð. Heimsækja mömmu. Labba heim. Byrja á ritgerð um Afródítu. Setja í þvottavélina. Hugsa um næstu bók. Eiga leyndarmál. Reyna að leysa málin. Vera í kærleika. Vera í rauðu. Sjá hvað allt er fallegt heima hjá mér. Búa um rúmið. Taka lyfin. (Gleymdi þeim í morgun) Tala við lífeyrissjóðinn. Hringja. Trúa einhverjum fyrir einhverju. Biðja um hjálp. Leggja ákveðið mál í hendurnar á guði. Hengja útúr vélinni.
Gerast áskrifandi að:
Birta ummæli (Atom)
9 ummæli:
ég tók eftir hvað þvotturinn tengist kærleikanum, kannast við það...
en mig langar mig að vita leyndarmálið
við Kolfinna söknuðum þín í gærkvöldi
Ásdís
takk fyrir að sakna mín, ég saknaði ykkar líka en meira þó matarins ha ha ha.... djók.
elísabet
Já maturinn var betri en við ... en við þurfum líka á kærleika og umburðalyndi að halda - hmmm.
hei - en er að fara í leshringinn minn í kvöld þar sem Heilræði lásasmiðs verður til umræðu. Geturu sagt mér eitthvað innanbúðar svo ég geti slegið um mig.
Ásdís
Já, ég get sagt þér stórmerkilegt leyndarmál sem ég hef engum sagt nema sonum mínum, að þegar ég var búin með handritið fór ég útá tröppur og þá sló þessari hugsun ofaní kollinn á mér: Nú er ég orðinn rithöfundur.
Hafði bara tekið tuttugu ár!!!
Fallegt.
Ekj
Fimmtán bækur, tíu leikrit, útvarpsþætti og ég veit ekki hvað sem það hafði líka tekið.
Tíminn. EKJ
ég elska kærleikstextana þína ... og þig, kv/kk
Þú sjálf ert lifandi kærleiksbolti sem snertir alla sem verða á vegi þínum. Ég fattaði það strax og ég hitti þig. Góða helgi fallega Elísabet.
takk Ellý og fröken Lyng, allt í gleði og kærleika,
elísabet
Skrifa ummæli