Þagnarbindindi

Hvernig á að vinna á absúrd aðstæðum, skera þær í bita, segja satt, koma með absúrd á móti.....langar bara að fara senda honum sms eða hringja en það er mesta bilun í heimi en hvað á ég gera, tíminn er að verða búinn hér og ég er kominn í sex daga þagnarbindindi.

Heims

Það varð heimsendir hjá mér en það var strax heimsbyrjun....

Ég er soldið spennt að sjá jólaseríustíginn

Þú ert bara á tilfinningafylleríi...sagði hann

Á hælinu með rautt naglalakk

Kona þakkaði mér fyrir að hafa stoppað sig, þá var hún ekki eins einmana að ganga ganginn, í gær fór ég yfir brú og sá tvær rjúpur, silung og fjallið sagði mér að hlusta á sjálfa mig. Það voru líka grenitré. Anna er að lesa Gyrði í stólnum. Það er falleg sjón. Í fyrradag var fjallið rautt, stundum kastast allt í kekki í huganum og áhyggjurnar verða einsog heill her, en svo labba ég af stað og þá verður alltí lagi, þess vegna er líkaminn svo sniðugur, ég elska líkamann, ég elska mig, ég er að læra það enn aftur og aftur einsog að gera grindarbotnsæfingarnar.

Listin hefur læknismátt og getur vakið skapið

Listin hefur læknismátt

Heilsuhælið

Ég er á heilsuhælinu og er búin að dansa sápukúludansinn.... fara í sund, heitu pottana, nudd, göngu, bakarí í bænum, mat í salnum, hitta fullt af fólki, hlusta á tónleika, ganga ganga, fara í slökun, næturheimsókn á hjúkrun, lyfta, og gera nokkrar uppgötvanir, sjá yfir fjallsbrúnina, hrafnana, og hitta lækninn.

Æðisköstin reyndust af rót þunglyndis

Æðisköstin

Æðisköstin reyndust vera af rót þunglyndis....

Jólaserían

Ég var búin að fara til sálfræðinga, geðlækna, Eyrarbakka, KVennaathvarfið, Geðdeildina, panta pláss á Hælinu, fara á fundi, tala við trúnaðarkonurnar, vini mína, fjölskylduna, hafið, fjöllin, veginn, framliðna, ég spurði jafnvel húsið en ég fékk engin svör fyrr en ég setti upp jólaseríuna,....

Ástin er búin, hún flaug útum hjartað, ísköld og skjálfandi, beint í eldinn.

Öðru fólki dýrmætir

Hann sagði að ég hefði ekki keypt neitt til búsins, og ég benti honum á að ég hefði keypt rómantísk gluggatjöld og fallega matardiska. Þess utan hefði ég keypt fiskispaða, ausu, steikargaffal, hnífapör, potta og pönnur, sparistell, og svo hefði ég keypt húsið, en hann hefði bara ekki tekið eftir þessu, eða tekið þessu sem sjálfsagðan hlut eða svona nöldraði hann einsog kerling um alla hluti sem öðru fólki voru dýrmætir.

Ástin er búin

To do listi

Skreyta gluggana Fara til tannlæknis Skila skýrslu Finna stað Athuga með sloppinn minn Dansa Bursta kálfana

Ég þarf að skila virðisaukaskattsskýrslu í dag

Rétta svarið

Lygin er verst, þá hverfur raunveruleikinn, þegar er logið að mér, ég hef ekki logið í tuttugu ár en nú er ég síljúgandi, þess vegna verð ég svona flækt og allt óskýrt, raunveruleikinn horfinn, hann bauð mér útá Hróa í gær með blómum og kerti og einum bolla, og bara tilað geta svo bankað uppá og spurt hvort hann gæti fengið lánaða dómgreind hjá mér, um hvort hann ætti að búa hér fram í apríl eða maí, þótt við værum ekki saman, og af því honum líkaði ekki svarið stóð hann upp og gerði sig líklegan tilað fara, .... það er einmitt þetta, þessi ömurlegi leikur, einsog maður sé ekki manneskja, heldur einhver vél tilað koma með réttu svörin, ég spurði hann líka hvort hann ætti að sofa hér eftir við vorum saman en þá vildi hann fara niður og ég klikkaðist það var ekki rétta svarið.

Ekkert gert fyrir mig

Á meðan ég var í Kvennaathvarfinu og síðar Geðdeildinni var hann að innrétta íbúð handa sér, lítið hreiður í kjallaranum, keypti húsgögn og styttur, lét stækka myndir og alltaf sömu myndina af honum, bróður hans og pabba, og hann er búinn að vera ástarsorg, að vísu trúi ég ekki orði af því sem hann segir, hann getur ekki sagt satt og bara öskrað, ég hef ort til hans ljóð og tileinkað honum bækur, hjálpað honum í krabbameinsmeðferð, sent hann í ofbeldismeðferð, á karla-alanonfundi en hann hefur ekkert gert fyrir mig.

Eyðilegging tildæmis

við.... fl..úmið.

Skilnaður eða dauði

Pabbi hennar Ellu Stínu hafði eyðilagt hana í lifanda lífi og hélt því áfram eftir dauðann, þannig var það líka við skilnaðinn, .... svo nú er hopp hopp og hí.

Hugdettan

Ég man ekki hvort það var þegar ég kom úr sundi eða hafði sett saman hjartað á tröppunum að mér datt í hug að banka niðri og allt yrði gott, en þá mundi ég eftir því að svoleiðis hefur það ekki gengið, það hefur alltaf komið höfnun í kjölfarið. Ég mundi eftir því í gær.

Ég er búin að uppgötva að ég þarf fylgd

Uppgötvun

Ég er búin að uppgötva að ég þarf hvatningu og stuðning.

Ó hvílík ósköp

Vitið þið afhverju Ella Stína fór á vonda staðinn.... tra la la la.....til að láta eyðileggja sig..... þessi undursamlega fullkomna mannvera.... tra la la la.... sorgarsaga.....

Skrímslið á efri hæðinni

Einn daginn þegar var opið út hjá Ellu Stínu og hún var að anda að sér fersku lofti heyrði hún að sagt var undir kjallaratröppunum, það var Skrímslið sem talaði: Varaðu þig svo á Skrímslinu, það býr á efri hæðinni.

Skrímslið læðist inn

Ella Stína var að lesa í bók þegar hún heyrði umgang á efri hæðinni, Skrímslið var eitthvað að dedúa, henni rann kalt vatn milli skinns og hörunds, hvernig hafði það komist inn án þess að hún heyrði að hurðinni var skellt.

Skóflurnar tvær og rauði veggurinn

Svo náin

Ellu Stínu var bent á að kveðja drauminn sem hún hafði átt með Skrímslið ef hún ætlaði að geta hætt að heimsækja það og verið alltaf á vondum stað. Þegar hún hugleiddi draumuinn sá hún fyrir sér Ellu Stínu og Skrímslið hlekkjuð saman auðvitað til eilífðar. Ella Stína glápti á drauminn... afhverju þessir hlekkir, jú hún hafði kynnst hlekkjum fyrr.

Skrímsla Jeppinn

Ella Stína bjó sem fyrr segir á efri hæðinni og heyrði grannt þegar Skrímslið hóstaði eða spilaði tónlist, opnaði hurðinni, hún var alltaf með varan á sér, og ætlaði að kíkja útum gluggann hvort Skrímslið væri á stígnum á leiðinni burt, en vildi ekki njósna svo hún kíkti ekki neitt en fór svo útum ruslið og kíkti útí götu og sá að jeppi skrímslins var farinn, þá varð Ella Stína, Skrímslið hafði ekki látið vita um ferðir sínar.

að gera annað

Þegar Ella Stína var búin að brjóta allt og bramla hjá Skrímslinu datt henni í hug að segja fyrirgefðu en eftir nokkrar fyrigefningarbeiðnir uppgötvaði hún að þetta fyrirgefðu var bara til að rúlla öllu uppá nýtt, en svo endaði það með því að hún fékk leið á þessum leik. Og fór að gera annað.

Lyklaborðið

Svo flutti Ella Stína en það dugði ekki til en þess saga klárast seinna, Skrímslið er komið í lyklaborðið.

Fluttur út

Hann er fluttur út. Guði sé lof, það er ekkert pláss fyrir hann hér í herberginu. Herberginu!? Já, þetta er svo lítið herbergi og þessi eini stóll og dagatalið, ekki einu sinni gluggi, ég er fegin að hann er fluttur. Hann bjó í allri íbúðinni. Hvaða íbúð? Íbúðinni þinni. Ég á enga íbúð. Ég er margbúin að segja þér að þú átt íbúð í gömlu húsi vestur í bæ og þið bjugguð þar, stundum sat hann í stólnum og þú lást í sófanum og þið horfðuð á sjónvarpið. Þetta hlýtur að hafa verið einhver draumur.

Rauk niður

Einu sinni þegar Ella Stína hafði stillt sig lengi um að heimsækja Skrímslið í kjallaranum og var ýmist í sundi eða heima að teikna eða kíkja á barnabörnin þá heyrði hún rödd sem sagði þarftu ekki að fara kíkja á skrímslið. á fannst Ellu Stínu einsog Skrímslið væri inní sér og kannski væri hún Skrímslið svo tilað koma í veg fyrir allan misskilning þá rauk hún niður.

Heima að teikna

Nú skulum við rifja aðeins upp, sagði röddin. Ókei, sagði Ella Stína. Þetta skrímsli er aumingi. Nú. Manstu þegar það týndi vettlingunum þínum. Jú. Og manstu þegar það hristi jólatréð. Já. Og þegar það neitaði að setja skilti á hurðina að þið byggjuð saman. Það man ég, sagði Ella Stína. Þá skaltu fara strax niður og banka hjá því. Það ansar aldrei. Sparkaðu þá í hurðina. Það gæti orðið reitt. Þá hleypurðu burtu. Má ég ekki bara vera heima að teikna.

Ella Stína og Skrímslið

Einu sinni sem oftar fór Ella Stína í kjallarann og kom marin og blá til baka, og þá loksins loksins loksins eignaðist hún vin, það var þröstur í reynitrénu sem blístraði á hana og spurði: Hver er leiðin í kjallarann? Leiðin? hváði Ella Stína. Já hver er leiðin? Það er leiðinn, ansaði Ella Stína.

Skrítin saga

Þegar Ellu Stínu leiddist heimsótti hún Skrímslið í kjallaranum, það reyndist hættuspil. Ella Stína kramdist alltaf stafs og hurðar því Skrímslið vildi engar heimsóknir en Ella Stína hélt að ef hún sýndi Skrímslinu áhuga myndi það breytast í stóran mjúkan bangsa einsog hún hafði séð í auglýsingum en hafði ekki efni á því foreldrar hennar voru dánir eða það minnti hana, en hvað um það, svo var Ella Stína kramin og blá og hefði þess vegna átt að missa áhugann á heimsækja Skrímslið, en það var nú öðru nær, leiðinn óx og óx og hún bankaði hjá Skrímslinu og þegar það opnaði ekki sparkaði hún í hurðina og ekki opnaði það heldur svo hún sparkaði í rúðuna og langaði mest tilað senda stein í gegnum rúðuna, henni leiddist svo mikið.

ofbeldismaðurinn búinn að setja upp jólasertu

svona er lífið

Hver hefur sagt mér það?

Ég sit hér og langar að hvæsa öskra brjóta í einu orði sagt eyðileggja af því ég á ekki skilið að lifa og hver já hver hefur sagt mér það, ....

ástand mála

Ég er búin að fara í Kvennaathvarfið í fimm daga og á Geðdeild í aðra fimm og á meðan var ofbeldismaðurinn að innrétta íbúð í kjallaranum á húsinu mínu og keypti hvert húsgagnið af fætur öðru, í gærkvöldi fór ég tilað róa hann af því hann öskraði einsog dýr í símann og gat ekki hætt, strauk honum um hryggsúluna og setti smá eitur í hvern lið.

æðiskast

eg tók eitt æðiskast í viðbót, ég ætti kannski að halda skrá yfir þessi æðisköst einsog áföllin í lífinu,.... en núna eru rauðar rósir í kjallaranum, eða þeas. rósablöð svo falleg og rauða skálin liggur brotin með klakasteininum fyrir utan gluggann hans,...

skrípaleikur

hér er allt í steik eða skyldi eg segja allt í leik og dásamlegt, laus við kallinn, jibbí og fer til berlínar, en ég er búin að vera í kvennaathvarfinu og þar er núna allt fullt svo ég er heima hjá mér og það er líka fullt á geðdeildinni og mig dreymdi fullt í nótt, tvo menn að strjúka hárið á mér aftan frá, einn ógeðslegan dökkhærðan strák í kjallaranum að wsegja ég væri mella, ég að keyra til bolungarvíkur með ungan mann, fremur slánalegan, saknaði aðeins hans í morgunsdárið, hasnn er fluttur nipur, farinn niður, skrípaleikur, skrípaleikur.

Fæðingarhálfviti

Hann segir að ég sé padda og naðra og fæðingarhálfviti, snobbuð, illa að mér, illkvittin, vondur bílstjóri, helli uppá vont kaffi, en aðallega er ég brjálæðingur, eða svo segir hann, brjálæðingur.

þrjú æðisköst

tekin í gær á mínum edrúafmælisdegi...ekki búin að jafna mig á öllu þessu rugli.

franskur bakari sagði:

Deig er einsog kona, ef þú talar of hátt til hennar verður hún gröm og reið.

Ímyndað samtal á októberkvöldi

eg hélt þér líkaði ekki við matreiðsluþætti hvað meinarðu. nú þú talar þannig að það sé allt fullt af matreiðsluþáttum og þú þolir það ekki. hvað má é ekki horfa á þáttinn. jú jú. en hvað horfðu bara á hann. má ég það endilega þögn þú hefur bara miklu meiri áhuga á því sem þessi matreiðslukona er að elda heldur en á ljóðunum mínum.

Litla barnið

Bráðum kemur litla barnið hjá Ingunni og Garpi, og auðvitað Emblu, það verður spennandi að sjá hana og breytast í mjúkt lífsundur þegar ég sé lítil börn og þessvegna þessa frænku mína einsog Afi Kristjón sagði. Mér finnst endilega að hún verði dökkhærð og vá hvað ég hlskka til að sjá hana.

Skrítin spurning

ég tók æðiskast í gær og eina sem maðurinn sagði í morgun var: áttu kaffi!!!???

sloæto' er lp,o' skiltið meira af því

skiltið er komið og komið á hurðina, það er þar núna og ein skrúfa sprakk, skyldi það vera fyrirboði og ég sem var farin að skrifa söguna, skiltið sem aldrei var sett á hurðina, og nú óskar farinn að tala við sjónvarpið.

Skiltið er enn ekki komið

Við

ÞAð er rosalegt mál að panta skilti, velja skilti, og ef ég hefði verið róleg hvað hefði þá gerst, ef ég hefði sagt feimnislega, við ætlum að fá skilti...

Ljósaskilti

Meðan ég var að athuga með lögun skiltis og leturgerð var hann að athuga með ljósaperur, hann vildi kannski hafa þetta ljósaskilti.

Í skiltabúðinni

Hann sagði áðuren við fórum inní búðina sem selur skilti, svo skaltu láta einsog þú hefur alltaf látið í þessari búð eða einsog þú hefur sagt mér og þá kom ég með hann að afgreiðsluborðinu og sagðist vera búin að finna maninn sem ég vildi búa með og afgreiðslumaðurinn spurði drekkur hann og ég sagði ekki dropa.

Skilti á hurðina

Í gær pöntuðum við skilti á hurðina, á meðan ég og afgreiðslumaðurinn vorum að pæla í lögun og leturgerð var hann að athuga með ljósaperur.

Útum gluggann

Þegar ég loka að mér bankar hann á hurðina og býður mér kaffi. Þegar ég hef allt opið horfir hann út um guggann.

Helvíti

Konan í blómabúðinni segir mér að hjónaband sé einsog Helvíti og himnaríki og allt þar á milli, ég anda léttar en svo langar mig að snúa við og spyrja, en ef helvíti tekur yfirhöndina hvað þá?

Loka hurðinni

eg get farið að anda þegar ég loka hurðinni.

Sambúð

Ég þríf blóðið af veggnum fyrir hann. Og hann setur í nýja rúðu fyrir mig.

Hugboðið

Hugboðið var með verra móti, það kom óboðið og lagði heiminn í rúst, eitt hugboð sem spratt af innsæi konu sem hún gat ekki skrifað og allt kom ruglað og hana langaði svo tilað segja sigri hrósandi, ég vissi það, ég vissi það.

Stæðið

ÞAð er búið að standa autt stæðið hér í götunni í mörg ár, fatlað stæði já í svona tíu ár eða lengur, það leggur enginn í það þrátt fyrir að það sé stundum þröng á þingi hér í götunni. Mér datt alltí einu í hug að kannski myndi ég sjálf enda í þessu stæði ef dramatíkin gengur eftir.

Koddinn

Ég hitti konu í Rúmfatalagernum og henni tókst á fimm mínútum að segja mér að ég væri nísk og snobbuð. Þetta má teljast nokkurt afrek. En þess má geta að ég var að kaupa kodda.

Konan í Blómabúðinni

Konan í blómabúðinni sagði mér að hjónabandið spannaði allt sviðið, frá Himnaríki til Helvítis... ég held ég fari oftar að kaupa blóm.

Orðin

Lífið er dásamlegt, þakklæti er gott, ástin er alvöru, þakklæti er gott, lætur mér líða vel að þakka fyrir, nú er skuggsýnt, dreymdi Óskar var að fara heimsækja pabba í stórt hús í Hlíðunum, og dreymdi Gíslína var með tvíburastelpur og dreymdi Friðgeir var eitthvað að hjálpa mér. Lífið er dásamlegt, ég er syfjuð, ástin er alvara, þakklæti er gott, hvíld er góð.

Sofandi

Skilaði inn umsókn, vann í handriti, var glö-ö-ö'ððððððð glöð. Já, og fékk skrítna tilfinningu um slagbrand og járnhurð, borðaði sardínur, egg, rófurog kartöflur, fór í sturtu, já gaf kettinum, hvað meira, eitthvað, sofnaði yfir sjónvarpinu, sit núna í sófanum, Óskar er sofandi.

Sambandið við sjálfa mig er dýrmætasta sambandið í heiminum

Hvenær varð ég svona hrædd?

Kannski af því ég var alltaf ein....

Ég er hrædd við allt svo ég valdi mér mann sem er ekki hræddur við neitt nema mig

Ég er hrædd við allt, hrædd við tækin í líkamsræktinni, hrædd við að bíll keyri aftaná þegar Jökull er með Lillý í vagninum, að hundarir bíti hana, að innbrotsþjófar steli öllu af mér, að ég fái krabbamein, að einhver perri ráðist á ömmustelpurnar, að mér takist ekki að losa mig við kílóin átta, að það kvikni í húsinu, að mér takist ekki að taka ákvörðun um geðhvarfabókina, að kærastinn minn hætti að elska mig, hrædd við að verða fyrir eldingu, að Lillý og Embla klemmi á sér fingurna, að Kristjón verði fyrir árekstri á Hellisheiðinni, að ég fari útaf ef ég keyri útúr bænum, að ég klessi á bíl sem kemur á móti mér, að það verði tekinn af mér vinstri fóturinn útaf hásinabólgu, að mamma lendi í slysi í Íran, að eitthvað komi fyrir Illuga bróður minn, að ég verði sköllótt, að ég verði gömul, að ég muni ekki klára leikritin mín, að ég læri aldrei að naglalakka mig, að geðhvörfin mín þróist yfir í geðklofa, að ég hendi steini í kærastann, að það standi í mér, að ég verði alltaf þyrst, að ég fái heilablóðfall, að ég renni til á sundlaugargólfinu, að flugvél farist sem ég fer uppí, að ég detti í Gullfoss, að ég detti niður stigann heima hjá mér, - og af því ég er hrædd við allt þá valdi ég mér mann sem er ekki hræddur við neitt, - nema mig.

Þvílík sól og hafið spegill

ótrúleg sól, kyrrð og fegurð, var kannski að hugsa um að fara með borð og stól niðrað bryggju og borða kleinu og fá mér kaffi.

Afbrýðissemin: Kemur svo hratt og verður svo stór

Umsátrið um Elísabetu

Sextán þráhyggjur eða fleira hafa nú hafið umsátur um Elísabetu og hafa reyndar gert það lengi. Hvað kemst hún af lengi án matar, drykkjar, útiveru, ástar, kærleika, öryggis, aga, trúar, skemmtunar, vina, fjölskyldu og fjalla!!!?

17.september 1979

Þennan dag fyrir hvað mörgum árum nenni ekki að reikna fór ég inná Klepp í fylgd heiðurslífvarðar sem aldrei hefur yfirgefið mig síðan og heldur ekki herbergið mitt, fékk þó á tilfinninguna í gær að ég væri komin útúr herberginu.

Lillý dansar

Lillý hélt uppá afmælið sitt í dag og bauð þrjátíu manns eða þar um bil, þetta var yndislegt og hún fékk fullt af fallegum gjöfum og dillaði sér eftir tónlist, það verður gaman að sjá hana dansa.

Næstum sofnuð

Fór á fótboltaleik með Lillý og fjölsk. á Mokka með Laufey og fjölsky. horfði á Merlín og var næstum sofnuð.

Var það í gær?

Er hvít með blá augu, búin að mála tæplga 80 pöddur, fara í sturtu, ræktina, búa um rúmið, setja á mig body lotion, hlusta á útvarpið, vaska upp eða var það í gær?

Draumur

Svaf í tíu tíma, dreymdi mikið, dreymdi pabba, hann var lifandi og ég man ekki meir, hvað hann var að gera, það kemur kannski þegar líður tekur á daginn, Embla er á leiðinni og ætlar að vera hjá ömmu sinni, ég er búin að mála 65 pöddur og fimm eða sjö í farvatninu, ég er alltaf að fara að vinna einsog Pödduleikritið eða Geðhvarfahandritið svo ég hafi eitthvað í ÞETTA að gera, en ég held ég hefði gott af því að taka smá frí, mála pöddur og gera undarleg ljóð eða skrá sögur, jafnvel drauma, það rignir og rignir og allt er orðið fullt hér á tröppunum, hvíta blómið er i nni og krakkarnir útá skólavelli skrækja óskaplega, og fréttirnar í útvarpinu, ein kona í gær sagði ég væri SÖNN MANNESKJA, og ég hlakka tilað fara í ræktina á morgun, kannski fer e´g í sund í kvöld, Vera Illugadóttir á afmæli í dag, og bílarnir þjóta hjá, ég ætla að fá mér te, og hafa það huggulegt með Veru, og ekki hugsa um ÞETTA, heldur bara hafa það næs og næs og skæs og alltaf smá mígreni að reyna að troða sér, í sumar var gott pöddusumar, og ætla aðeins að mála í viðbót og hvað skyldi pabbi hafa verið að gera í draumnum.

Veikindi ekki einkamál

Amma Þóra hefði orðið hundrað og ellefu ára í dag, ég fór í ræktina, bætti við fimmmmmmmmmmmmmmmmmmmmmmmmmmmmmmmmm mínútum á brettinu og gerði sjálf aLLSKONAR æfingar, nú ætla ég hætta fyrir framan tölvuna og bara ræktast, svo hitti ég Andrés sem sagði það þyrfti að vanda sig rosalega mikið við geðhvarfabók og láta alla lesa, veikindi væri einkamál hvers og eins.

Afmæli Lillý Elísabet

Fór í afmæli til Lillý Elísabet og borðaði gómsætt læri sem Jökull eldaði með þvílíkri sósu að önnur eins finnst varla. Lillý var þarna á fullu og stoppaði ekki allan tímann, hún fékk bíl frá afa sínum og ömmu í móðurætt og Ólíver frændi hennar kom líka í afmæli, hún faðmaði hann og hann hana, útsýnið var stórfenglegt, Jökull og Kristín svo ánægð með sína stelpu og hundana.

Símtal

í dag var óveður, soldið flott, ég steikti fiskbúðing og lá í sófanum, svo skeði ýmislegt fleira, ég fór í ræktina, kona kom og ég fékk símtal frá Húsavík.

Lillý Elísabet

kom og dreif ömmu sína á fætur um ellefuleytið, var þá búin að liggja í rúmið og hugsa um að einhver ætti að hugsa um hana og uppgötaði að Óskar hugsar oft um hana en hún ætti kannski að fara í Perluna og kaupa hárnæringu og drömmmmmm, já já já, og svo núna hefur þunglyndið komið og sagt, þú ert búin að gera nóg í lífinu, er þetta kannski persóna í leikriti?

Fullkomið matarboð

Lillý Elísabet sat við borðið í fyrsta sinn og Embla Karen fyrir endann, allir svo prúðir stilltir og mikið talandi saman, flaumurinn, straumurinn, lærið og hnífurinn, allir svo kátir og yndislegir, lofandi lærið og Lillý setti allt niðrá gólf en sumt uppí sig og Embla sagði lærið væri gott og svo settust allir í stofuna, fullkomið.

Matarboð

Garpur Ingunn og Embla, Jökull Kristín og Lillý Elísabet koma í læri í kvöld, það verður yndislegt, svo langt síðan síðast,... allttaf svo töfrandi þegar glamrar í hnífapörunum.

Frelsarinn

Fór í jarðarför G. Páls í gær, hver var hann, jarðargyðjan Gæja, guðirnir breyttu sér hér í gamla daga, en ég ætlaði varla að langa í jarðarförina, það tekur á, þetta var sorglegt en líka fyrir Ísland, svo uppgötvaði ég að hann hafði nú gert svo margt gott, einsog Anna, allir hafa gert svo gott, en krabbamein er ekki gott, é er með verk í hausnum og langar í kjol í ræktina, vaknaði á tveggja tíma fresti, næstu nótt tek ég svefntöflur, og sef einsog engill, einhver Hörður bankaði uppá hér í nott og bað um vatn, kannski þetta hafi verið frelsarinn.

í kirkjunni í gær

vakna ekki upp í eins miklu þunglyndi og áður, er að fara í líkamsrækt, vantar nýtt lyklaborð og tövluna mína, uss, haustveður úti, drakk orkudrykk og banana í morgunmat, kaffi og lýsi, hvar eru legghlífarnar mínar, lífið er dásamlegt, dásamlegt, alltaf soldið hrædd við að deyja en aðallega á morgnana, en lífið er dásamlegt og ég fékk vitrun í kirkjunni í gær.

Morgunsamtal

var að vakna, tókst að sofa í sex tíma í beit, dreymdi eitthvað, við óskar í garði og svo kom einhver og þá fórum við, og svo dreymdi mig appelsínugult sófasett, frekar lítið og ég hlóð því öllu í bílinn, einhver hjón úr smáíbúðahverfinu létu mig hafa það, og svo dreymdi mig Laufey og börnin hennar en drukknaðan dreng þar á undan í Vesturbæjarlauginni. En best að fara á fætur og klæða sig og reyna taka ákvörðun hvort ég ætla að vinna að nýju bókinni minni í september eða ekki, og athugha gardínuefnið, rauða fallega með blómunum, kannski það er gott með svarta rimlarúminu. Og svo er búið að sópa stéttina bak við hús, og égþarf að prófa fleiri lyklaborð og er ekki með krabbamein í hálsinum,og át bjúgu í gær og hálsbrjóstsykur, og bráðum á Óskar afmæli, það verður gaman. Og kannski ætti ég að fara útúr bænum.

Haustsól

sól úti og ég er þyrst og það er pínu kalt, og ég var hjá Andrési sálfræðingi hinum snjalla og kom heim og þá sat Óskar á tröppunum með snúrur og ég er að fara í ræktina, tra la la la.... og svo tala við Hrafn.

Í september

las upphátt fyrir Óskar og það munaði öllu, fattaði hvað þurfti að laga í textanum, og svo er gott veður úti og ég er að fara þrífa skápana í kjallaranum og kannski er best að gefa út þetta geðveikihandrit ef vel vinnst í september.

Rauðu berin

ÉG vaknaði hálftíu og fékk mér gingeröl, lýsi, ómega, lyfin mín, kaffi og settist í sófann og sá rauðu berin á reynitrénu útum gluggann.

Hetjusögur

Fór í Bónus með kærastanum, hann setti þrjúhundruð læri ofaní körfuna, sem betur fer var það ekki læri af mér en við keyptum margt annað einsogh rauðar paprikur, engiferöl, svínakótelettur, og 2 blýanta og fórum svo á Grillhús Guðmundar, og svo voru sagðar hetjus-ögur.

Dagatalið

Hver ropi, þetta skyndilega holrúm sem myndast og endar með stunu, er minning, prump sem alltíeinu leysist úr læðingi og kemur úr iðrunum, þörmunum, andardrátturinn sem getur endað fyrirvaralaust, hefst og hnígur, andvarp sem hegðar sér einsog alda, eða stuna sem byrjar í munnholinu og endar í brjóstinu, hjartslátturinn sem ég veit ekki hvað endist lengi, hraður, hægur, hver hreyfing, augnlokin sem lyftast, þegar teygt er úr sér, eða þegar þarf að rembast, snýta sér, hósta, eða maður fær eymsli og gefur frá sér seigar langar stunur, eða stunur sem maður kæfir, grátur sem brýst fram og skekur axlirnar, brjóstholið bifast og gráturinn æðir uppí munnholið, tárin útúm augun og horið útum nefið, snöktið, hljóðlátt snökt um nótt sem enginn heyrir en merkir endalok tilverunnar, að tíminn er afmarkaður, að þetta snökt er merki um líkama sem einn daginn á eftir að síga ofaní moldina og verða eitt með moldinni, líkami sem hættir að hreyfa sig, dansa, snýta sér, hósta, - og veinið, skerandi vein sem brýst einsog hnífur úr iðrum líkamans, og klýfur höfuðið í tvennt, hausverkurinn, magapínan, harðlífið, vöðvabólgan, verkirnir, og svitinn, svitinn maður minn, svitinn sem sprettur fram, úrgangur úr líkamanum, eitthvað er farið úr honum og kemur aldrei aftur, svitinn, klístraður, ofurfínn, perlar, smjattið, augun uppglennt, eyrun spennt, og sumstaðar er líkaminn mjúkur, annarstaðar harður, liðirnir, teygjanleikinn, takmarkanirnar, svo koma hrukkur í líkamann, varirnar ekki lengur þrýstnar, vöðvarnir slapa, liðirnir stirðna, öll þessi merki sem telja tímann, telja tímann, búta hann niður, minna á hann, og brosið, hláturinn, flissið, hnussið, hummið, þetta er gjörsamlega óviðráðanlegur heimur.

Á morgun

Ég fer ekki í sund eða göngutúr, að vísu fór ég í göngutúr í gær en sundferðin endaði með ósköpum og leiðindum við eldhúsborðið, og víðar í íbúðinni, ég er að hugsa um að vakna ekki svona snemma á morgun.

Enginn veit

Það er aftur byrjað og enginn veit upptök þess.

Paddan

Paddan var frumsýnd í húsinu á Framnesvegi klukkan átta um kvöld, fullt hús og meir en það, fólk tróð sér allstaðar, allstaðar, og paddan skreið um í hjörtum fólks á eftir svo núna líður henni betur.

Það væri gaman

Fór uppá slysó í nótt á jeppanum, var með púls einsog unglingur og blóðþrýsting sömuleiðis, alveg rakið var með hjartalínurit, sá mynstrið, ég er með hjarta og alltí lagi, og leikkonan sagði ég er byrjuð að finna fyrir henni, eymd, sorg og jafnvel dauði en undanfarna viku höfum við verið að lesa pödduna sem verður frumsýnd í eldhúsinu á morgun gaman gaman þær eru svvo frábærar og ég get skrifað um frelsi, frelsið er yndislegt og ég hlkakka til að sjá gestina og ég hringdi í þorlák í nótt og heyrði hláturin í kærastanum, svona í takt við öldugjálfur og nú er best að fara raða stólum. og fara í sund ef ég kemst, það væri gaman.

Eitthvað alveg nýtt

fór á pósthúsið og náði í pakka frá Unu, mínar eigin bækur, talaði við konuna á póst6húsinu, hana Eddu sem gaf mér einu sinni vatn, talaði við Þröst á leiðinni uppá Landakotshæð og hélt ég væri að deyja úr áreynslu, Óskar kom í land, talaði við Vilnborgu á Hótel Borg sem ráðlagði me´r að leika í eldhúsinu mínu, mínu eigin eldhúsi, búin að vera í þunglyndi því ég ætlaði að hætta að éta fyrir einhvern annan, svona er lífið og ég væri kraftaverk ef ég kæmist í sund, fann fyrir smá stressi í dag en fékk að fara um borð í Þorlák, fallgeur bátur og gaman að koma um borð, sendi Hrafni handritið, kannski kemst ég í sund, kannski kemst ég í sund, ég að vera til fyrir mig.... það er eitthvað alveg nýtt....ég elska mig og lífið.

9 skref

Lillý Elísabet tók níu skref í gær á ellefu mánaða afmælisdegi sínum, en ég fór í sund í rigningu og synti fimmhundruð metra, fór í pizzu til Garps, Ingunnar og Emblu, það er gott að hafa sýnt einhverjum ást, þá fær maður ást á móti.

Aftur

Það var rigning en ég málaði pöddur og grunnaði og gekk útí rigninguna, hitaði fiskibollur og sauð kartöflur og talaði við Óskar, langar að tala aftur við hann.

Það svaraði ekki

Fannst ég vera deyja í alla nótt, kalt í hjartanu, drakk svo mikið kalt vatn, og svo kom kvíði, reyndi að hringja í Óskar í morgunsárið en það svaraði ekki.

Það er von á Lillý Elísabet

Hún ætlar að koma í heimsókn og vera hjá ömmu sinni, það er rigningarlegt, ég fór á fund, á Mokka með Laufeyju og keypti tvo kjóla, þá hringdi Jökull, það var gott að fara á fund og lýsa yfir vanmætti sínum, ég veit ekki hvert stefnir en Paddan er að skýrast.

Frumurnar

Þú ert aða reyna að ná í sársaukann, ég hélt ég væri að deyja,... myndi kannski deyja lifandi, ein fruma í dag önnur á morgun....

Burt

Vaknaði klukkan sjö og hefði getað farið á fætur en fór á fætur klukkan tíu og hitaði kaffi burstaði tenur og drakk mikið af vatni, fannst allt ofhlaðið í svefnherberginu og tók soldið niður, hugsaði um að fara burt, burt, burt.....

allt í kross

ég er viðkvæm og allt í kross inní mér

Nennum ekki að hlúa að ástinni

ég geri ekki annað en gagnrýna kærastann minn, hann vil að é hætti með honum, þessum látum við svona, við viljum þettta sé búið, haltu því til streitu en afhverju viljum við það, við nennum ekki að hlúa að ástinni.

Rústast allt.

alltaf þegar kærastinn kemur í land rústast allt.

hjartað

ég er með ótta í hjartanu.

ertu í vinnu við að hugsa um þetta mál

ég er alltaf að hugsa um ákveðið mál og í dag datt mér í hug, elísabet ertu í vinnu við þetta, ....

Eldavélin

ég er að bíða eftir að þvottavélin verði búin svo ég komist í sund, búin að mála 30 pöddur, kötturinn er fælinn, styggur, dreymdi draum þarsem bræðurnir rúnar, heimir, óskar sátu við eldhúsborðið en óskar varð fúll þegar ég spurði útí þetta með ísafjarðardæmið en eldavélin sýndi hið rétta. er ekki komin tími tilað fá vitið elísabet, góði guð raunveruleikaskynið fer í gegnum skilningarvitin. Og róna, ég meina ró ró ró.... andardráttinn.

Fara til Grænlands

athuga það....

Þakka fyrir

Málaði pöddur í hádeginu. Sól. Reyni að komast í sund. Fer í sund. Kaupi eitthvað. Vaskaði upp. Reyndi að ná í Einar Örn, bjó ekki um rúmið, gott að hafa fimm mínútur þarsem ég gef guði daginn, fer yfir orkustöðvarnar, kaupi blóm. Þakka fyrir.

Kalliði mig Væng

Amman: Embla hvernig finnst þér þegar þú ert kölluð prinsessa? Embla: Ekki skemmtilegt. Amman: En hvað má kalla þig? Embla: Kalliði mig Væng.

Kistan

Amman: Ef þú heitir Vængur hvað heiti ég þá? Embla: Kista, þú heitir Kista, hæ Kista. Amman: Hæ Vængur. Embla: Hæ. Amman: En hvað er í þessari kistu? Embla: Hún er lokuð. Amman: Lokuð!? Embla: Hún er læst! Amman: Og getur enginn opnað hana? Embla: Nei, enginn, nema þú. Amman: Ég!? Embla: Já, opnaðu lófana. Amman: Opna lófana. Embla: Opnaðu svo mallakútinn.

trú

ég ól upp börn og gaf þeim trú, einn daginn gefa þau mér þessa trú til baka.

Pikkið

klikkuð sól búin að raða hvítum steinum á handriðip og ryksuga og þetta er lélegt lyklaborð og klára ástarvinnufriðarherbergið og fá mér djús og lýsi og vítgamín og lítarex og ég elska pikkið

Ég ?

ég er svo feit ég þoli ég það ekki, mér finnst vera einhver önnur en ég er svo feit svo ógeðslega feit bólghin ogh þrútin oj oj hvar er ég.

Smá dagbók

Skrifaði þrjár sögur í gær, ...... eftir alanonfund,..... soldið stirð en uppgötvaði sérsstöðu mína,.....razorsharp short-stories, minn tebolli, það er ekkert víst ég eigi eftir að skrifa þessa 1000 bls. bók sem mig dreymir um, nema nottla ég ætti að skrifa........ BIG BOOK OF MADNESS,.... Og skemmta mér, kærastinn minn er búinn að segja .............................alvarlegur rithöfundur milljón sinnum síðan ég sagðis vera það, pæla í því!!!!!!! Jæja, þá afhverju er ekki hægt að gera bil, svaf og dreymdi mikið, nú er hádegi og ég nývöknuð, kannski kems ég í sund í dag, á eftir er fundur um Sýrland, bræður hans ÓSkars og mamma komin í kompaní, ....................... já, fékk mér lýsi, ómega, víTAMÍN, líþarex, kíkti aðeins á Þorlák en sá hann ekki, sit í hvítum kjól eða peysu, veit ekki hvort, er með GOTT KAFFI, ætla útbúa glerskápinn, .... og hvað fleira. hmmmmmmmmmmmmmmmmm..... ja ja ja...... big book of madness.... hvenær kemur kærastinn í land, ætli hann sé hættur að elska mig, fattaði eitt í gær, að það er ekki spurning um ég treysti honum, heldur hvort ég treysti mér, .... lífið er dásamlegt og það er sól að brjótast fram úr skýjum.

Soldið drasl

Í gær var ég að raða öllu og hengja myndir uppá vegg, é er að flilppa út á lyklborðinu mínu, fæ mér nýtt og prentara, en já uppgötvai ðí framhaldi af öllu raðinu að ég verð að hafa soldið drasl í vinnuherberginu mínu,...................... og hvít blöð flögrandi útum allt. Love. Elísabet

Soldið drasl

Í gær var ég að raða öllu og hengja myndir uppá vegg, é er að flilppa út á lyklborðinu mínu, fæ mér nýtt og prentara, en já uppgötvai ðí framhaldi af öllu raðinu að ég verð að hafa soldið drasl í vinnuherberginu mínu,...................... og hvít blöð flögrandi útum allt. Love. Elísabet

240.þús

Fékk bréf frá Tryggingasstofnun þeir ætla taKA AF MÉR 240. þús kall. Verði þeim að góðu litlu greynunum.

Hunangsfiskifluga

sá soleiðis á tröppunum og það hvín í laufinu, sól.

Til Rússladns?

Pabbi minn er gráhærður og galdraði mig gráhærða,.... ég er úlfur. Töfrakonan vill bara ást,ekki töfraást,en um leið og hún verður ástfangin koma helvi´tis töfrarnir, og hún stingur höfðinu í sandinn og töfrarnir bíta hana í rassinn, já hvert á ég að fara, til Írlands, New York, Rússlands kannski. Já.

ekki almennilega vöknuð

ég er smámsaman að fatta að kannski er þetta sagnaheimurinn, en tréð hreyfist fyrir utan gluggann minn, norðaustan, bjó til hillu lítilla hluta í gær, ér+g er ekki almennilega vöknuð.

Kom í gær og fer í dag.

ÉG vaknaði

þótt ég væri pínulítið hrædd um að vakna ekki aftur og spurði guð eða bað áðuren e´g fór að sofa: Viltu leyfa mér að lifa. Takk, pass, amen.

Langar í eitthvað....

Líkamsrækt og sund

Fór í líkamsrækt og sund, súpaði prótín drykk á eftir og kom við á Lindarbraut 10 og tók Ellu Stínu uppí, hún vildi fara skoða sæljónin með Óskari, við sættumst á húsdýragarðinn amk. svona í fljótu bragði séð, ætlaði að kaupa tösku handa mömmu en keypti uppþembulyf og hægðatregðulyf, setti sundbolinn til þerris útá tröppur og það er sól, Ella Stína vildi líka horfa í sólina, ég held ég teikni handa henni sæljón nei sól og leiki sæljón nema hún vilji gera það en Embla vildi heldur að ég segði sögu en hún og við fórum í bókabúðina og það var yndi að hafa hana svona lengi.

Embla kom í heimsókn

og við gengum útá Eiðistorg, ætluðum í fjöruna á leiðinni en hún var of stórgrýtt svo ég treysti mér með barnið, slysin gera ekki boð á undan sér, en það var einsog einhver hefði tekið til í fjörunni, kannski þessir fjórir mávar sem spígsporuðu þar um, og það var fjara semsagt, Embla á hlaupahjóli og ég með myndavélina, tek myndir af öllu núna, og við ræddum um það þegar við fórum síðast í fjöru, já hvenær var það nú síðast, spurði ég. Þegar ég gisti hjá þér, sagði hún. Já, sagði ég, var Óskar með? Nei, svaraði hún, Óskar var ekki kominn í heiminn. '

Langamma

Hvar er járnið sem ég er gerð úr....!!!!? Langamamma!!!!!

Hvar er járnið?

sýnikennsla guðs

guð er að sýna mér hvernig ég varð geðveik, þetta er sýnikennsla guðs, hann vill að ég taki stjórnina í mínar hendur eftir að hafa gefist upp, ég er farin á bílnum,....

hey guð

hvernig vilt þú vera elísabet ? æ bara að skrifa og stundum í kjól eða passa prinsessurnar og fara í sund, berja hausnum við vegginn svo blæðir úr en það var í gamla daga og nú er fortíðin að koma aftur þjótandi merkilegt mjög merkilegt, guð er að sýna mér eitthvað, hey guð.

Eintóm leiðindi

ég ætlaði að bjóða kærastnum á Lauighar vatn en hann vildi frekar fara í bónus og þoriði ekki með mér á mnnamót því ég er svo klikkuð afbrgýðissöm og hvatvís og halló halló halló einmtóm leiðindi. Nú djás allirt hann hefur rétt fy rir sér.

Jói

í dag var afmælisdagurinn hans Jóa, hann gróðursetti tré í garðinum mínum.

Minnsta málið

ég spurði leigubílstjórann hvort hann héldi í höndina á konunni sinni þegar þau færu í bíó og hvort hann væri því mótfallinn að hún héldi í höndina á honum. Minnsta málið, sagði bílstjórinn og svo fattaði ég að það var einsog hann væri að gera henni greiða. Geturðu gert mér greiða. Minnsta málið.

Leigubíl heim

Fórum í bió gær. Myndin var einsog venjulegu um það að dónaskapur og leiðindi lækni lömun, lífsleiða og svo leiðis. Nei ég er í fýlu, ég þurfti að taka leigubíl heim.

innkaup á sunnudegi

fór í byko og keypti akrílliti og pensla, óskar keypti gólflista.

Glerskápurinn

Óskar er að gera við gluggann í kjallaranum, og er búinn að setja borðstofuborðið inní stærsta herbergið og snúa glerskápnum þannig að hann fyllir útí hornið, mér finnst það ekki passa.

Hundrað pöddur

Ég er að mála pöddur, búin að mála næstum tíu pöddur, en samt eru þær ekki tilbúnar, ég held ég hafi komist að þvi hvar paddan býr, loðin og svört með marga fætur, skrautlegt mynstur. Ég ætla mála hundrauð pöddur.

Farin að brosa

Ég var farin að brosa,...

Geðhjúkrunarkonan sagði

Orðið fyrir þungbærri reynslu sem veldur því að mig langar að eyða sjálfri mér.

Á snúrunni

Hengdi út hvítu blúnduskyrtuna, og tók inn svörtu peysuna sem er hneppt í miðju.

Draumur í bílskúr á Reynimel

Mig dreymdi litla stelpu svona 4 til 7 ára í bílskúr á Reynimel, í rúmi og hún var að segja sögur en pissaði stöðugt á sig, bunan stóð niður úr rúminu á gólfið, og við hliðina á rúminu var perralegur maður í gömlum snjáðum jakkafötum, ég kom þarna og spurði hann til nafns en hann vildi ekki segja hvað hann hét. En það var eitthvað skrifstofulegt við hann.

Geðveikiheimurinn

Stjórna manni svo maður verði geðveikur,....það er hið fullkomna ábyrgðarleysi og innganga inní annan heim,....

Stjórnun

Ég er að láta stjórna mér,....AFHVERJU,.... það hlýtur að vera svona þægilegt.... (Birt án ábyrgðar)

Live Ships Map

Hann vill endilega kenna mér á Live Ships Map en hefur engan áhuga á því sem ég skrifa,....

Afbrýðissemi

Afbrýðissemi.... ég er sjúklega afbrýðissöm, einn daginn hættir það, það er alltaf svoleiðis, einn daginn kemst maður í gegn og verður alveg sama og veit að enginn getur gert manni neitt, og að ég er fallegust og best í heimi án þess að skyggja á einhverja aðra.

Hekla

Fór til Heklu, hún var á sínum stað, komst ekki í göngutúrinn minn sennilega útaf ástsýki og einmanaleik.

Draumur

Dreymdi í nótt að mamma ætlaði að láta mig ferðast eitthvert fyrir klukkan tvö, sagðist ætla keyra mig heim tilað ná í passa og þessháttar, ég sagðist ekki hafa tíma en hún sagði það væri í lagi, svo var mynd af þresti í veskinu mínu og ég sagðist verða fara heim og ná í gleraugun og slíkt og þá voru Embla og Lillý pínulitlar á bleyjunni að klifra niður stigann, og ég held ég hafi átt að fara til New York og var með rauðu töskuna en komst ekki af því ég gat ekki farið en heldur ekki farið svona einsog ég stóð. Einsog það hefði kannski reddast.

Getnaðardagurinn minn

Í dag er 5. júlí getnaðardagurinn minn, þá ætti ég að fara útúr bænum en hvort á ég fara í rútu eða í bíl, afhverju er þessi þráhyggja, Kristín kenndi mér að segja, einn daginn kemst ég,.... einn daginn varð Elísabet til og ég er hvít á puttunum. Og hvað er verra en dauðinn, að hanga sífellt heima á Facebók og komast ekki neitt.

Amen

Dreymdi ég var að tala við lækni sem kom í ljós að var Ingólfur Margeirsson, hann hló og mér fannst ég vera í Mjóddinni þegar ég var að tala við hann, svo dreymdi mig fullt í viðbót einsog fólk á svölum og eitthvað fleira, nú er sól og ég er að drekka kaffi og reyna að koma mér úr bænum eða ég ætla að prófa, ég sný þá bara við nema ég taki rútuna, og fer í sund fyrir austan fjall, ég er að læra að hugsa meira um mig, beina hugsunum mínum í átt til mín og hugsa um hvað étg þurfi og langi, amen.

Draumur

Dreymdi Halldór Laxness í nótt, ég var uppí rúmi með honum og líka Linda og tvær eða tveir í viðbót, ég var mest að tala við hann. Svo sagðist ég ætla að koma aftur.

Litla stúlkan með maníurnar

Litla stúlkan með maníurnar notaði alltaf eina og eina maníu í einu tilað lýsa líf sitt upp. Þegar hversdagsleikinn var að drepa hana þá tendraði hún eina maníu og fylltist ofurkrafti, hún sá allt í nýju ljósi, heimurinn hafði tilgang, hún varð falleg og gædd snilligáfu, hún var útvalin af guði til góðra verka og þurfti bara að komast í sjónvarpið tilað segja öllum að hún ætti að breyta heiminum, allt breytti um merkingu, mannanöfn, götuheiti og svo framvegis öðlaðist nýja og spennandi merkingu í ratleik sem Litla stúlkan með maníurnar stjórnaði. En svo dró ský fyrir sól, manían kulnaði og litla stúlkan með maníurnar var annað hvort svipt sjálfræði, lokuð inni á Kleppi eða hún bað sjáf um innlögn, þar ráfaði hún um ganga, iðraðist sáran, heimurinn varð aftur venjulegur og hún varð hún en ekki frelsari mannkynsins eða ástkona heimsins, þvílík leiðindi og svo fékk hún pillur. En svo kom að því að Litla stúlkan með maníurnar dró upp eina maníu úr pússi sínu og þá varð nú fjandinn laus og flugeldasýningarnar gátu byrjað, hún fékk aftur hlutverk í heiminum, fylltist ofurkrafti og tilgangurinn draup af hverju strái, það var hún ein sem bjó yfir þessu leyndarmáli, stundum töluðu blómin, og dýrin, orðin fengu aðra merkingu, stórbrotinn hugur hennar brann að lokum út.

Nafnið hans

vaknaði í morgun og það voru dvergar að hamra nafnið hans í heilann á mér.

Eldsnemma morguns

Það var svartur köttur sem sat á götunni þegar við keyrðum útá flugvöll, hann sat þar í mestu makindum en hljóp ekki í veg fyrir bílinn, fyrir utan það að í minni fjölskyldu er svartir kettir happamerki og talan þrettán.

Nýja tjörnin

Bjó til tjörn með bréfssnifsum, steinhjarta og rauðu blómi.

Röddin

Ég hringdi í hann útá sjó og hann er með fegurstu rödd í heimi.

Tímamót

Þjáningin er búin,.... nú verður lífið bara gott og yndislegt og friður í höfðinu á mér,...

bros

er pínu hrædd svo það er best að fara í göngutúr, og pínu hamingjusöm líka, kveikti á útvarpinu, vaskaði upp, sat útá tröppum í sólinni, fékk mér kaffi, braut saman nærbuxur, gerði magaæfingar. get sagt þetta hér fyrst enginn les þetta, bros.

stórtíðindi

synti kílómeter, ótrúlegt afrek, 20 bringu, 10 bak og tíu bakskriðsund og fékk mér orkudrykk á sundlaugarbakkanum, gekk útá sögu og náði í hárkamb og keypti mér rúgbrauð í melabúðinni og losandi já einmitt í apótekinu og labbaði svo heim og hingað er ég komin,... með soldið mikið af hugsunum sem eru allar óþarfar því það er enginn dauður enn. sætt og elísabet ég elska þig.

Sólar lífið

fór í sund í dag og ætlaði ekki að geta synt, svo kom spurning hvernig má koma fram við elísabetu jökulsdóttur þegar ég var að synda ferð númer 19 og afhverju ég ætti að gera þetta sem ég hef verið beðin um en ákvað að láta það í hendurnar á æðri mætti. Og fékk mér svo malt á eftir. Það var dýrðar sól og ég gat synt þótt ég væri þunglynd í byrjun. Elska lífið.

26.júní

Á tröppunjum í sólinni á svörtum púða og hvít blóm klippt af runna í ungversku könnunni á bak við mig, neitaði kókflösku áðan, með kaffið mitt á kollinum og fuglarnir komnir á sinn stað og tjörnin sem Embla bjó til glitrar í sólinni.

Sat í garðinum

með djúpfjólubláum þyrnirunna,....

Jónsmessan

reyndist göldrótt, ég uppgötvaði soldið sem hafði lengi hvílt á mínum huga, það leystist og ég sá hvað var raunverulega á seyði, .... svo settist ég á rúmið og þá kom soldið gott svar, vonandi er það rétt, ég var dauðsyfjuð þegar ég kom heim frá því að passa Lillý og þá voru fuglarnir ennþá úti og inni var allt dótið á víð og dreif á gólfinu, það var eitthvað svo yndislegt, ég setti það í hattaöskjuna og fór að sofa, tók eina fennegan og eina serókvel, Embla var hér í heimsókn og við fórum í afmæli til Ronna, og löbbuðum alla leiðina, þar á undan fórum við í Nóatún og Apótekið og keyptum afmælisgjöf. Það var svo gott að fá Emblu aftur í heimsókn, hún hefur ekki komið svo lengi, svo vaknaði ég einsog venjulega með Heklu á heilanum og litla mígreni rúsínu í þriðja auganu og fór alltíeinu að pæla í hvort ég ætti að heimsækja Önnu Siggu á Ísafirði og dansa fimm ryþma dans.

Vaknaði

Vaknaði kúrði lengur fékk mér malt og tvær engifersöl fór á fætur hellti uppá kaffi fékk mér fullt af vatni með klaka. Er ég í eyðimörk? En burstaði líka tennurnar, tók lyfin, vítamín og leit örugglega útum gluggann.

Jónsmessunótt

Ljósblár spegilsléttur sjórinn hvít sængurfötin bylgjast hjartað slær ekki rótt.

Jónsmessunótt

JÓNSMESSUNÓTT Ljósblár spegilsléttur sjór og hvít sængurföt ekkert um hjartað. Ljósblár spegilsléttur sjór hvít sængurföt blóðrautt. ... og þetta er sennilega best,... Ljósblár spegilsléttur sjór hvít sængurföt hjartað slær ekki.

Draumabrot

Aðfaranótt laugardags dreymdi mig eitthvað afa og ömmu á Reynimel, og eitthvað fleira, jú Rúnar Guðbrandsson en man ekki meir eða hvað gerðist.

Halló

Í dag á ég edrúafmæli 19 ár og sjö mánuðir, sólin skín, grái kötturinn okkar mjálmar í grasinu, ég keypti malt og melónu, og datt í hug nýtt leikrit, um reiða konu sem segir: Hann hefur flætt yfir líf mitt og ég er að reisa flóðgarða, en sólin skín og ég sit á tröppunum og ætla passa Lillý í kvöld og var að hugsa hvað það væri gaman ef Embla gistir og við getum búið til litla tjörn, og hvað ef skvísurnar hans Kristjóns kæmu, halló.

Látrabjarg í pósti

Kærastinn sendi mér Látrabjarg í pósti, -

Hún sjálf var ástin

En afhverju var hún svona reið, hún hefur bara orðið reið út af einu, að hann flæddi inní líf hennar einsog fellibylur og ástin hennar hefur ekki sést. Ástin hennar hefur horfið og hún sjálf var ástin.

frjálst

ella stína var á ellu stínunum á ellu stínu sem sjón dró í gegnum ellu stínu tilað komast heim á ellu stínu, ella stína treysti sjón tilað koma henni undan ellu stínu en hún vildi allsekki vera þessi ella stína sem var á ellu stínunum á ellu stínu og óttaðist að hún myndi ná þeim og kaffæra þau í ellu stínu svo bara ef þau kæmust heim og gætu lokað ellu stínu yrði allt gott og ella stína gæti byrjað að skrifað um það hvernig er að hafa ellu stínu á ellu stínunum svo hún geti ekki um frjálst ellu stínu strokið.

Hver er presturinn?

Ella Stína vill bara komast heim til sín tilað geta skrifað undir verndarvæng Sjón, sem sagði að hlutirnir mættu vera súrealískir, en hún er að flýja undan presti og getur verið að þessi prestur sé annar en hann er.

Og hver ekki

Ella Stína dró Ellu Stínu gegnum Ellu Stínurnar, hún var á leið heim á Ellu Stínu þarsem ríkti Ella Stína og enginn kæmist tilað trufla hana, þessvegna munaði miklu að komast undan prestinum sem var að elta Ellu Stínu og Ellu Stínu og enginn vissi hvað hann hugðist fyrir en hann hafði verið dæmdur fyrir Ellu Stínu, alveg voðalegt Ellu Stínu og var ekki vel þokkaður, svo Ella Stína var soldið rugluð útaf þessu öllu saman og vissi ekki alveg hver var Ella Stína og hver ekki.

Hann sá mig minnka

Ella Stína var á snjóþotu og Sjón dró hana gegnum snjóskafla, á eftir þeim var prestur sem hafði verið dæmdur fyrir ofbeldisverk gagnvart konu, hann virtist vera að reyna að ná Ellu Stínu, ef presturinn var fortíðin hvað var Sjón þá, skáldskapurinn? Eða súrrelaisminn, Ella Stína hafði verið á bar og hafði drukkið þar ótæpilega þegar presturinn kom og hótaði að berja hana, Ella Stína flúði út og beint í flasið á Sjón sem var að væflast með snjóþotu og hún hoppaði rakleiðis á snjóþotuna, heim sagði hún, heim á Framnesveg, hann reynir að ná okkur, hver er það spurði Sjón. Ég held það sé barþjónninn, sagði Ella Stína. Barþjónninn? Já barþjónninn. Nú hvernig stendurðu á því, afhverju varst þú á barnum, þú er bara barn, ég er barn á barn...um, sagði Ella Stína, en það var þannig að ég var kona og varð að minnka mig og ég minnkaði mig alveg niðrí Ellu Stínu, ég var með þessu manni uppí sumarbústað af því ég elskaði hann, elskaðir þú mann, þú ert bara barn, já en manstu ekki að ég minnkaði mig, sagði Ella Stína, ég breytti mér í barn, eða konan breyttist í barn, hvar er konan núna, spurði Sjón, hún vill komast heim, hún er svo viðkvæm þessi kona, hún þolir bara að vera hún sjálf þegar hún er heima hjá sér og óhult frá þessum manni,en afhverju er hann að elta hana ef þú ert bara barn, hann sá mig breytast,hann sá mig minnka.

Tilbúin....

...tilbúin að fara útúr húsinu,....hafði greitt á sér hárið farið í bað lokað gluggunum lesið ævisögurnar raðað diskunum ry

Tilbúin

Allt í einu fann ég að ég var tilbúin að fara útúr húsinu, að ég var tilbúin, ég hafði verið að láta líða úr mér og passa það, öll þessi ár, eftir að þeir fluttu burtu. Allur þessi tími, þessi góði og göldrótti tími með gleði og sorgum, mat og ekki mat, mamma og ekki mamma, fótbolti og körfubolti og handbolti og glíma og prakkarastrik og sjónvarp og tölvur og stelpur og raddir og fótatak, það er alltí lagi að ég sé ég, ég má alveg taka mér tíma að nú sé þessi tími liðinn og ég geti farið burtu.

Tvær bumbur

Mín bumba er einsog ég sé komin níu mánuði á leið, segir hann og klappar sinni bumbu sem hann segir velmegunarbumbu.

Góðan daginn

Í dag þegar ég vaknaði um eittleytið og fór niður og fékk mér kaffi og þá spratt ósjálfrátt hátt og snjallt og ég breiddi út faðminn: Góðan daginn. Það var við norðurgluggann, þar sem ég bíð eftir hvítu blómunum.

Mitt líf að kremjast á milli

Dreymdi ég var með manni sem ætlaði að sýna mér hvernig ofbeldi væri, með því að þykjast kýla mig mörgum sinnum í andlitið en hann var bara að þykjast og spurði viltu þetta og hættu að vilja þetta. Og ég fann ég vildi það ekki, þetta var tortímandi viðbjóður og í draumnum var þetta IB. Þetta er ekki góður draumur, ég er baraa upptekin af ofbeldi og ekki ofbeldi og mitt líf að kremjast á milli. Svo var í draumnum mín fyrrverandi kirkja eða eitthvað líkt henni. Og ég held líka að ég sé með einhverskonar þrumuleiftur.... ha, þrumuleiftur, já en hvar er mitt þrumuleiftur og vinstri höndin hreyfir sig vitlaust og maginn er of stór, hvað geri ég ég er búin að hugsa um það í mörg ár að láta taka ljósmyndir af mér, eða í fjögur ár og árin hafa bara liðið og ég hef líka hugsað um að fara í líkamsrækt en sömu ár hafa liðið.

bannað að skammast

ég er í banni að skamma sjálfa mig, og vera upptekin af öðrum, ég er í fyrsta sæti.

paddan

hulda og laufey komu í morgunkaffi og lásu pödduna. það var gaman. margt sem ég sá, held að aðkomukonan hafi breytt sér í pöddu en hvað þá með heimakonuna. lífið er dásamlegt og ég á leiðinni í sund ef ég kemst, fór á fund í hádeginu, það var kraftaverk. soldið feimin, dreymin og dró seiminn, nei djók. og maðurinn útá sjó.

Sjálfstraustið

Það er nú merkilegt hvað sjálfstraustið getur horfið, kemur það við að vakna á morgnana klukkan níu eða hvað, þegar maður er upptekin af einhverjum öðrum endalaust, ég er stundum svo lítil þótt ég sé stór. Og ég var að naglalakka mig, það er rosalega fínt, alveg klassi, var í handsnyrtingu og nuddi handanuddi og naglabandasuddi og spjallaði við dömuna sem handgerði mig, hand made Elisabet, og ég kann ekkert á myndavélina hver getur kemmt mér á hana og mig dreymdi ekkert í nótt, það er þriðjudagur, og hvað á ég að fara skrifa næst.

að hugsa til þess

mér finnst svo voðalegt að hugsa til þess að við eigum eftir að deyja, við höfum elst og tíminn hefur liðið og stoppar ekki, þess vegna finnst mér gott að hugsa um hann.

Kaffið mitt

Ég er alltaf í samanburði og keppni við hann, mér finnst hann tildæmis mikið merkilegri en ég, svoleiðis var það líka með Inga, enda gerir hann lítið úr kaffinu mínu,.....

Draumur

Daginn eftir Óskar fór dreymdi mig hann í skipstjórastól, svo fór hann niður einsog kippt væri í spotta.

Að vera sæt

Fara í andlitshreinsun, fót og hand, litun, plokkun og nudd, horfa á eitthvað fallegt, lesa bækur, fara útúr bænum, ekki vera hrædd.

Sambandið

Fór í rúmið klukkan eitt, kíkti í rithöfundabók sem Pétur Blöndal gaf mér og svaf svo, vaknaði um sjö leytið held ég og fannst sambandið vera búið, fór aftur að sofa. Svaf vel og svaf til hádegis, það var undursamlegt, hitaði mér kaffi og fékk fyrirspurn hvort ég gæti passað Lillý.

Suðurgata 8a

Dreymdi ég bjó í Suðurgötu og búið að jarða Óskar og ég að koma heim og Kiddi sem er nýlátinn spurði hvort hann mætti koma og gista en ég sagði mig langaði að vera ein eftir jarðarförina, svo mætti hann koma og leggja sig, svo var einhver stelpa líka sem var svipað ástatt fyrir og Kidda sem vildi fá að vera, en allavega ég kom inn og uppgötvaði það var búið að breyta öllum gluggum þannig að þeir voru hættulegir fyrir börn en hægt að hleypa meira lofti inn um þá. Svo var ég þarna.

sól úti

það er sól úti og ég er eftir mig óendanlega þreytt og með þursabit því ég þoli ekki ástina eða hvað er það sem ég þoli ekki þessa endalausu spennu og svo er ég alltaf í stríði við sjálfa mig. Hér kemur stríðið. ég. afhverju ertu í stríði. ella stína. ég vil ekki verða stór. ég. afhverju ekki. ella stína. þá teygist úr mér og ég stækka og það er sárt. ég. en það er sárt að vera alltaf svona lítill. ella stína. þá verð ég að kveikja á kerti ef ég stækka. ég. og er það ekki fínt. ella stína. fínt. ég. já kveikjum á kerti og stækkum pínulítið. ella stína. hvað er að stækka. ég. viðurkenna hvernig manni líður. ella stína. ég viðurkenni aldrei neitt. ég. þá verðurðu eftir. ella stína. ég vil vera eftir. ég. en þá geturðu dáið, frosið í hel. ella stína. það er gott. ég. kveikjum á kerti handa frostinu. ella stína. bara pínulitla stund. ég. já. pínulitla stund.

skilin eftir tilfinningaalega

og svo var farangur hans yfirfarinn, leyndist hún einhverstaðatr í tödskunni.

Lillý á Kaffivagninum

Ég og Líllý fórum í göngutúr á bryggjuna í gær sáum báta og fengum okkur kaffi á kaffivagninum og þar dugguðu rugguðu bátarnir.

150 kíló

Hann segir hún sé hundrað og fimmtíu kíló á lyfjum og geðlyfjum og hin er líka hundrað og fimmtíu kíló en var spýta áður.

Lillý og fótboltinn

Sá fótboltaleik í gær, svo mikil frelsun, að horfa, gleyma sér og var að passa Lillý, hún fór hamförum um íbúðina opnaði alla skápa lyfti lóðum lék sér að öllu dótinu, borðaði banana hló og skríkti og bræddi mitt ömmu hjarta.

Hlaðgerðarkot

Fór í Hlaðgerðarkot, helgur staður, sóleyjar og steiktur fiskur, sjúkdómurinn í öllu sínu veldi og vonin vonin vonin....

Herðakistillinn

Ég er komin með herðakistil því hjarta mitt neitar að opnast, það er reyndar ekki spurning um það heldur er hjartað horfið og þá get ég ekki verið ég sjálf hedlur einhver önnur leiðindagella í staðinn fyrir þetta djúsí fyrirbrigði sem ég er ég, svo á ég vera ástfangin af mér og nú nú nú.

Í jarðarför

Ég held hún hafi verið búin að ákveða þetta soldið.

gekk ekki sem skyldi

ég og hann fórum í bíó í gær og það gekk ekki sem skyldi, það var björt júnínótt

rifrildi, norðanátt og sættir

ég reifst við manninn minn, hann sagði ég væri hrædd, og afhverju ég væri reið, ég sagðist vera hrædd hrædd við að hverfa og mást út í sambandinu og detta inní ástsýki, en svo er komin norðanátt og trén sveiflast í vindinum og áðan sýndist mér trilla í vandræðum. maðurinn minn er að bólstra stólana, ég lagði mig, það er sigur, mér finnst ég alltaf þurfa að vera gera eitthvað, og það er að koma nýtt barnabarn.

Mataræði

ÉG var að drekka rauðrófusafa fyrir meltinguna og AB mjólk með hörfræjum og kaffi.

Já, ég byrjaði í sambúð eftir 20 ára hlé og síðan hef ég verið upptekin við að færa hluti til og frá eða býsnast yfir því að hann færi hluti til og frá, það er búið að vera sól í tíu daga svona steikjandi og ég þarf að fara uppá skattstofu og ganga frá virðisaukaskattskýrslu og síðan ætlaði ég að að búa til handrit af Ellu Stínu sögum, ég er auðvitað dauðhrædd við ástsýkina og meðvirknina og afhverju þarf ég alltaf að vera hrædd, þetta hefur verið dásamlegt hús, er ég að geðjast honum með því að vera hrædd.... eða reið. Ég veit ekki hvort ég get alltaf verið að pæla í hlutunum, það gerir mig geðveika enda fór ég inná geðdeild í fimm daga,....með geimveru sem ég fékk lánaða hjá litlu frænku minni og horfði á sjónvarpið og varð sæt af því og er núna að hugsa um að kaupa mér Barbídúkku.

jæja, vita hvort þetta virkar, fatta ég hef ekkert skrifaða síðan ég byrjaði í sambúð þann 2. mars og nú er komin júní....

Snilligáfa í viðhengi; neitakk!

Dásamlegur hugur eða óhuggulegur

Hugur minn hefur veitt mér óteljandi ánægjustundir, hugljómanir, frið, drauma, skringilegheit, ég og heimurinn erum stórkostlegur, hugurinn helsta tækið. En hugurinn hefur líka hrætt mig og ruglað, hugurinn orðið guð, fastur í einni hugsun, blóðugt stríð geysað, í þeim tilfellum er það sjúkdómurinn sem hefur veifar sprotanum.

Þegar ég heimsótti Jökul son minn og Kristínu tengdadóttur mína til Ameríku rak ég mig á það enn og aftur hversu óhugguleg geðveikin er. Hvernig sakleysislegur hugur minn reynir með ranghugmyndum að einangra mig og svelta mig, þangað til geðveikin er tekin við og minn eigin hugur hættur að starfa. Í paranojukasti ímyndaði ég mér að þau óttuðust mig, af því ég væri skrítin. Ég var orðin spennt þegar hér var komið sögu, meðal annars af því að geðveikin setti í gang og færði mér þessar hugmyndir á silfurbakka, Kristín sagði eitthvað við mig, ég man ekki hvað en ég þóttist greina ótta í rödd hennar, um kvöldið fórum við einsog venjulega útá fótboltavöll að viðra hundana og þau að skokka, þetta voru yndislegar stundir, himinninn yfir okkur, og rútína, fastur liður, og þarna spurði Jökull mig hvort ég væri til í að passa fyrir þau á laugardagskvöldið, og ég var alveg viss umað hann væri hræddur við mig, ég væri byrjuð að sýna maníueinkenni og hann áttaði sig á því, eða áttaði sig ekki á því.

En það var ég sem varð hrædd, hrædd um að lokast inni í geðveikinni, því að þetta er hún, hugsanir sem umkringja mig, næst dettur mér eitthvað annað í hug og þannig koll af kolli, að endingu er ég lokuð inní hausnum á mér, enginn kemst að mér og ég kemst ekki út, og svo tekur við það stig að ég vil ekki komast út og finnst allir vera fjandsamlegir.

Hræðilegast í þessu tilviki var að sjúkdómurinn var að reyna útiloka ást sonar míns og tengdadóttur minnar, fjölskyldunnar sem ég þekkti, treysti og elskaði. Og ég kemst ekki af án ástar og tengsla, en sjúkdómurinn reynir að rústa því, - í mínu nafni.

Og ég er endalaust... endalaust... frá morgni til kvölds á varðbergi gagnvart hugsunum mínum, það er ótrúlega þreytandi, en ég er líka farin að geta dansað án þess að hugsa, farið í göngutúr með hundinn án þess að hugsa, og meðtekið alla þessa ást sem ég hef fengið frá Jökli og Kristínu sem sögðu frá upphafi heimsóknar minnar; mamma, þú hugsar of mikið, þú átt ekki að spyrja um leyfi fyrir neinu í húsinu, þú mátt vera einsog þú ert, þá ert það þú... við elskum þig, ... og það er öll þessi ást sem er læknismeðal og kallar fram tár.

Þú ert ekki leiðinleg, þú mátt vera með, þú mátt koma með, þú mátt fá þér, já við skulum hlæja að þér og stríða þér af því við elskum þig, þú hugsar of mikið, klesstan.

Oft ef ég verð þess áskynja að einhver elskar mig verð ég hissa, eina vitið er að sýna þakklæti og sýna ást á móti.

Fæ ég þá aldrei frið, verður þetta alltaf svona, það er fyrst hér í Ameríku að ég hef beðið guð um lækningu á geðhvörfunum, að það sé ekkert sniðugt við þau; snilligáfa í viðhengi, nei takk.

Ástæðan fyrir því að ég áttaði mig á að þessar hugmyndir mínar um ótta þeirra og að ég gæti greint raddir þeirra undir smásjá væri vottur af geðveiki, byrjun á maníu, var sú að í vor þegar ég var að skrifa leikritið mitt vaknaði ég einn morguninn heima hjá mér, heyrði fuglasöng og vissi samstundis að hann var skilaboð frá geimverum.

Og ég er heppin, það eru ekki allir sem gætu afborið allar þessar hugsanir, það eru ekki allir sem geta beðið um lækningu, það eru svo margir miklu veikari en ég einsog hún Neasa vinkona mín á Írlandi. Eða er einhver veikari en annar?

Hún gat gefið mér eitthvað sem enginn annar gat gefið mér, sögu sína og hvernig hún hleypti mér inní líf mitt, hún var annað hvort í maníu eða þunglyndi, og dvaldi langdvölum á spítalanum. Ég söng fyrir hana Sofðu unga ástin mín útí garði og hún kom auga á það sem ég hafði ekki komið auga á, þetta lag var geðveikt, og hún skildi ekki að það væri sungið fyrir lítil börn.

Ég var heppin að hitta hana, ég hitti hana í lestinni, hún hafði strokið af spítalanum, hún sagði mér að hún væri með geðhvörf, tvær manneskjur hittast í lest og svo urðum við vinkonur, hún sendi mér jólastjörnu á netinu, hún sýndi mér hvar bangsinn svaf, hún var stolt af mér og sagði hinum sjúklingunum að ég væri að skrifa bók um geðhvörf og þá myndi okkur öllum batna.

Sjálf skrifaði hún aldrei meira en eina setningu af því hún var lasin og gat ekki skrifað meira, en þessar setningar voru einsog brautarteinar sem eru lagðir svo vonin geti ferðast.

Nýr dagur

LJÓÐ
Nýr dagur
Fuglatíst
Garnagaul
Bílhljóð
Og sólin faldar skýin.

Gærdagurinn,... -

LJÓÐ
Já, nú er nýr dagur
Og ég er búin að á leið á gærdeginum,
Hann kemur þjótandi aftur og aftur
Breiðir úr sér,
Segist vera dagurinn í dag,
Lýgur öllu,
Í staðinn fyrir að hlúnkast
Ofaní gröfina sína,
Gröf gærdagsins.

Við vatnið, maður verður betri maður við vatnið

VIÐ VATNIÐ
Undarlegir þessir Íslendingar, maður hittir þá við vatnið, þeir eru að fara að veiða, og svo hefja þeir upp raust sína og leysa heimspólitíkina á einu augabragði, einsog að kasta út flugu, ánþess að blikka auga, nefna þá alla í einu Gengis Khan, Saddam Hussein, Bandaríkjaforseta, Ívan grimma rússakeisara, þeir vita allt að mannlíf eru einskis virði í Rússlandi, að Rússarnir hafi drepið blökkumenn sem voru um borð með þeim, allt útaf kommúnistabyltingunni á sínum tíma og enn lengra aftur, þeir þekkja ekki lýðræði og þegar ég reyni að benda á að lýðrækisríkin séu að fara með plánetuna til fjandans, og eigi nýlendur um allt, leyndar og ljósar er því auðvitað samsinnt og tekið fram að viðkomandi sé ekki á móti Múslimum, en Zaríalögin séu auðvitað útí hött, og svo að menntun vegi uppá móti grimmd og stríði í heiminum, en þegar ég bendi á að Nasistar hafi verið feikivel menntaðir en samt útbúið þrælskipulagða útrýmingarherferð, - já hvað er þá til ráða, og svo eru það Kínverjar þeir fóru hægar í sakirnar en Rússarnir, og Bandaríkjamenn hefðu ekki ráðist inní Írak nema af því að þar var olíu og þeir eru ægilega gráðugir og svo er hrunið afgreitt og ég leiði talið að Sturlungu og alkóhólisma og minnst er á græðgi og hann segir mér frá vini sínum sem er að fara með allt til fjandans, konan farin frá honum, og hann er hættur að sjá hvað er að. Á lokaorðunum treður maðurinn sér í vöðlurnar og arkar svo sína leið að veiða silunginn eftir að við höfum náð að vera sammála um eitt, að maður verður betri maður við vatnið.

Venjuleg rödd á venjulegu kaffihúsi

Ég hlustaði ekki lengur á kjaftæðið. Hann var einsog röddin í mér sem alltaf er að hræða mig, og segja mér skelfilega hluti, og láta mig ímynda mér þá. Þarna var hún lifandi komin. Holdi klædd. Að drekka úr kakóbolla. Bara svona ósköp venjuleg rödd á venjulegu kaffihúsi. Einsog hún gæti birst hvar sem er og hvenær sem væri, ég væri hvergi óhult fyrir henni, og alltíeinu var nóg komið. Orð mín og rökræður höfðu ekki dugað, eilífar endurtekningar, bænir höfðu ekki dugað. Svo áðuren ég vissi af var ég búin að slá hann utanundir.

Ást

Allt sem gert er af ást, .... -

*

Spakmæli

STÖÐNUN ER KANNSKI EKKI ÞAÐ VERSTA SEM TIL ER.

Áhrifameira...

Ég þarf einhvern tilað passa svo ég hreyfi mig ekki.
Það er langbest að þú passir það sjálf.
Langbest?
Já.
En er hitt ekki áhrifameira?

Ella Stína og hreyfingaleysið

Elísabet. Og hvernig vernd viltu.
Ella Stína. Ekki sjást. Ella Stína ekki sjást.
Elísabet. Viltu þá að ég feli þig einhverstaðar?
Ella Stína. Já.
Elísabet. Hvar ætti ég að fela þig.
Ella Stína. Gefðu mér te.
Elísabet. Te?
Ella Stína. Gefðu mér te, þá sést að ég er að drekka te.
Elísabet. Ég skil. Þú sést í hreyfingu og vilt fela þig í hreyfingaleysinu.

Ella Stína: Ég þarf einhvern tilað passa að ég hreyfi mig ekki.
Elísabet: Nú?
Ella Stína. Annars er ég alltaf að hreyfa mig.
Elísabet. Er ekki fínt að hreyfa sig.
Ella Stína. Ég þarf að hugsa.
Elísabet. Hugsa. Um hvað.
Ella Stína. Um allt.
Elísabet. Allt hvað.
Ella Stína. Um hvað ég ætla að gera.
Elísabet. Og hvað

Ella Stína og illskan

Ella Stína. Ég þarf vernd.
Elísabet. Hvernig vernd.
Ella Stína. Vernd gegn illskunni.
Elísabet. Illskunni.
Ella Stína. Illskan er að ná tökum á mér.
Elísabet. Nú hvernig birtist það.
Ella Stína. Þegar ég birtist.

Ella Stína stóð kyrr svo gleðin kæmist ekki inní hana

Ella Stína: Hefur þú einhverntíma staðið kyrr.
Elísabet: Já en þú?
Ella Stína: Hvar?
Elísabet: Í biðröðum og víðar.
Ella Stína: En hefur þú staðið kyrr í sjö ár.
Elísabet: Sjö ár.
Ella Stína: Já.
Elísabet: Nei. Hefur þú gert það.
Ella Stína: Ég hef staðið kyrr í sjö ár.
Elísabet: Afhverju gerirðu það?
Ella Stína: Ég veit það ekki, ég man það ekki lengur.
Elísabet: Og stendurðu ennþá kyrr.
Ella Stína: Já, ég þori ekki að hreyfa mig.
Elísabet: Afhverju ekki.
Ella Stína: Þá reynir gleðin að reyna að komast inní mig.
Elísabet: Gleðin? Er það ekki fínt?
Ella Stína: Það er ekkert pláss fyrir hana.
Elísabet: Nú, það var leiðinlegt.
Ella Stína: Ég er bólgin af reiði og bráðum svíf ég uppí loftið.
Elísabet: Skildu reiðina eftir og komdu til mín.
Ella Stína: Ert þú tóm?
Elísabet: Tóm?
Ella Stína: Já tóm svo það sé pláss fyrir gleðina.
Elísabet: Hvernig tóm?
Ella Stína: Þetta er svo mikil gleði.
Elísabet: Tóm gleði?

Helga hans Kristjóns 40 ára

Helga er fertug og fær
fögur heillandi mær
tengdadóttir ofaní tær
töfrandi ástkær

Til hamingju með afmælið í gær